პოლონეთი პირველი ქვეყანაა, რომლის სასკოლო პროგრამაში ვიდეოთამაში შევა

პოლონეთის მთავრობამ მიიღო გადაწყვეტილება, რომ ვიდეოთამაშები ოფიციალურად გახდეს სკოლის ასაკის ბავშვებში საგაკვეთილო პროცესის თანმხლები საშუალება. შემდეგი, 2020-2021 აკადემიური წლისათვის, ვიდეოთამაში “This War of Mine” ოფიციალურ სილაბუსს დაემატება და ბავშვებს მისი თამაში საშინაო დავალებად ექნებათ. ავტორები აცხადებენ, რომ მათი თამაში სოციოლოგიის, ფილოსოფიისა და ისტორიის საკითხების შესწავლაში დაეხმარება ბავშვებს. 

ორგანიზაცია Spidor-ის ხელმძღვანელი, დოქტორი დომინიკა ურბანსკა-გალანიკი, რომელიც პოლონეთში გეიმინგის ინდუსტრიის კონტროლსა და განვითარებას უზრუნველყოფს, ვიდეოთამაშების სასკოლო პროგრამაში ჩართვას მხარს უჭერს. 

”ისტორიაში პირველად, ვიდეოთამაში სასკოლო სილაბუსში მოხვდა. გვიხარია, რომ პოლონეთის განათლების სამინისტრომ და პრემიერ-მინისტრმა მეთიუზ მორავიცკიმ გაითავისეს და აღიარეს ვიდეოთამაშების, როგორც კულუტურული ფენომენის როლი და მისი ადგილი განათლებაში. ეს მშვენიერი მაგალითია იმისა, თუ როგორ შეგვძლია, გავაღვივოთ ბავშვებში ინტერესი სწავლი მიმართ, სხვადასხვა ვიზუალური საშუალებებით.”

თავად თამაში “This War of Mine” ვარშავაში დაფუძნებული დეველოპერული სტუდიის შექმნილია. მისი სიუჟეტი ბალკანეთის რეგიონში, სხვადასხვა ისტორიული კონფლიქტების ირგვლივ ვითარდება. მოთამაშეს მოუწევს რთული გადაწყვეტილებების მიღება იმისათვის, რომ გადარჩეს, მოიპოვოს საკვები თუ წყალი, ან თავშესაფარი. საინტერესოა, რომ თამაშმა დადებითი გამოხმაურება დაიმსახურა ისეთი ცნობილი გამოცემებისგან, როგორებიცაა Washington Post, Die Welt და The Guardian.